අගහිගකම් මැද හෙට ලොව දකින මංගලගම ප්‍රාථමික විද්‍යාලයේ දූ දරුවන්ට සවියක්

අගහිගකම්, බාධක මැදින් හෙට ලොව දිනන්න වෙර දරන දේශයේ දූ පුතුන්ට අත්වැළක් වීමේ උතුම් අරමුණෙන් ආරම්භ වූ ‘විදුසත් මෙහෙවර‘ සමාජ සත්කාරයට පළමු ඉල්ලීම යොමුවුණේ මාවනැල්ල අධ්‍යාපන කලාපයේ, මංගලගම ප්‍රාථමික විදුහලෙන්.

අපට කතා කළ විදුහල්පතිනියගේ කරුණික ඉල්ලීම වුණේ පාසලේ ඉගෙනුම ලබන අඩු ආදායම්ලාභී දූ පුතුන්ට හැකිනම් පොත් පත්, පාසල් උපකරණ ටිකක් ලබා දෙන්න කියලයි.

ඒ කාරුණික ඉල්ලීම ඉටු කරමින්, අපගේ කළ්‍යාණමිත්‍ර  ස්වාමීන් වහන්සේ නමක් විසින් අපට ලබා දුන් අභ්‍යාස පොත් 500ක් අරන් ජූලි 25 වැනිදා අපි ගියා මංගලගම විද්‍යාලයේ පුංචි පැටවුන් බලන්න.

දුවේ පුතේ, ඔබට මේ ලැබුණේ පුංචි තුඩු පඩුරක් පමණක් වුවත්, ඒ තුටු පඩුර ඉදිරි වසරක කාලයක් සදහා ඔබේ අධ්‍යාපන කටයුතුවලට ලොකු රුකුලක් වේවි... ඒ වගේම, මේ පුංචි ප්‍රයත්නය ඔබ වැනිම වූ සියක් දහසක් දූ පුතුන් දෙපයින් නගා සිටුවා, රටට වැඩදායක පුරවැසියන් කරවන යෝධ පියවරක ආරම්භයක් වේවි..