ශ්‍රී ලංකාවේ ප්‍රථම අන්තර්ජාල සමාජ සත්කාරක වේදිකාව ‘විදුසත් මෙහෙවර‘ දියත් වූ වගයි..

දහසක් බාධක, දුක් කම්කටොලු මැදින් ලෝකය දිනන්නට වෙර දරන දේශයේ දුවා දරුවන්ට අත්වැළක් වීමේ උතුම් චේතනාව පෙරදැරිකරගනිමින්  බිහිවූ “විදුසත් මෙහෙවර“ අධ්‍යාපන සමාජ සත්කාරක ක්‍රියාන්විතය ජූනි 30 වැනිදා කිතුල්ගල, මල්වත්ත පාරේ පිහිට අපගේ මෙහෙයුම් මූලස්ථානයේදී එළිදැක්විණි.

ලංකා සමාජ ආයෝජකයන්ගේ ජාලයේ ගරු සභාපති චන්දුල අබේවික්‍රම මැතිතුමන් සහ ස්වාධීන රූපවාහිනී ආයතනයේ “ඇත් පවුර“ වැඩසටහන් කාර්ය මණ්ඩලය එම අවස්ථාවට සහභාගී වූ අතර එය අප දිරිගන්වන්නක් මෙන්ම ඉදිරි පියවරට මහත් ආශිර්වාදයක් වනවා නොඅනුමානය.

විදුසත් මෙහෙවර ශ්‍රී ලංකාවේ ප්‍රථම අන්තර්ජාල සමාජ සත්කාරක වේදිකාව ලෙස මෙලෙස මෙහෙයුම් ආරම්භ කළ අතර, එය දහසකුත් සිහන පොදි බැදගත්, ලොවම දිනන්නට තරම් දක්ෂතා ඇති, අද දිනයේ සරණක් අවැසි, හෙට දිනයේ රටට සරණක් වන දුවා දරුවන්ට සවියක් ම වනු ඇතැයි අප ඉතසිතින් බලාපොරොත්තු වෙමු.